Sekretari amerikan I shtetit Mike Pompeo i cili ndodhet në Athinë, është takuar këtë të shtunë me kryeministrin Kiriakos Mitsotaqis.
Pompeo dhe shefi I qeverise greke biseduan për bashkëpunimin dhe mbështetjen e SHBA-ve për vijimin dhe zgjerimin e dialogut strategjik mes dy vendeve.
Mitsotaqis gjithashtu i kërkoi sekretarit amerikan mbështetjen edhe për të adresuar provokimin turk në Qipro.
KYRIAKOS MITSOTAKIS
KRYEMINISTER I GREQISE
“Në Egje, si dhe në Mesdheun Lindor, ka lëvizje që sfidojnë të drejtat sovrane të Greqisë dhe Qipros., duke shkelur të drejtën ndërkombëtare, dhe shpesh shoqërohet me retorikë ekstreme dhe kundërproduktive. Qipro nuk po kërkon asgjë përveç zbatimit të së drejtës ndërkombëtare. Jemi në pritje të kontributit tuaj pozitiv që në fund do të sigurojë një klimë produktive në rajon”
Sekretari I shtetit kritikoi Turqinë për ato që quajti veprime te paligjshme. Në një konferencë për shtyp pas takimit me ministrin e jashtëm Nikos Dendia Pompeo tha se Uashingtoni është ne dijeni te situatës se krijuar mes dy vendeve për Qipron
MIKE POMPEO
SEKRETAR I SHTETIT
“Ne i kuptojmë rreziqet, jemi në dijeni të asaj që po ndodh aktualisht në Qipro, dhe po punojmë intensivisht për të parandaluar militarizimin e këtyre çështjeve, si dhe për të ndaluar përshkallëzimin e mëtejshëm të situatës. Ne nuk do të lejojmë askënd, as Turqinë të bëjë shpime të paligjshme, ashtu si veprimet në ujërat ndërkombëtare janë të papranueshme”
Ndërkohë vizita e sekretarit amerikan në Athinë u prit me protesta.
Dhjetëra ekstremistë mbajtën marshime në kryeqytet por edhe Selanik. Ata madje dogjën flamurin amerikan para Ambasadës Amerikanë në Athinë dhe ngjyrosen me bojë statujën e Truman.
Mike Pompeo ndodhet në Greqi në vazhdën e turit te tij në Europë dhe disa vendeve të Ballkanit.
