Sekretari amerikan i Shtetit, Mike Pompeo në një takim me ministrant e Jashtëm të vendeve anëtare është shprehur se NATO duhet të jetë më e përshtatshme për t’u përballur me kërcënimet që ekzistojnë aktualisht në botë.
“Ne duhet ta bëjmë më të përshtatshme aleancën tonë për t’u përballur me këto kërcënime emergjente siç janë: agresioni në rritje i Rusisë, konkurenca strategjike e Kinës, migrimi i pakontrolluar, sulmet kibernetike e të tjera”.
Takimi në Uashington i ministrave të Jashtëm të vendeve aleate të NATO-s zhvillohet në kuadër të ditës së dytë të samitit për shënimin e 70 vjetorin të themelimit të aleancës.
Gjithashtu pritet që ministrat të miratojnë një sërë masash që synojnë përmirësimin e mbrojtjes së NATO-s në rajonin e Detit të Zi.
