Pompeo anulon takimin me Merkel

Sekretari amerikan të Shtetit, Mike Pompeo ka anuluar vizitën e tij në Berlin, ku pritej të takohej me kancelaren gjermane, Angela Merkel dhe ministrin e Jashtëm gjerman, Heiko Maas.

Departamenti i Shtetit ka njoftuar se  takimet duhet të ri planifikohen për shkak të “çështjeve të ngutshme”, por nuk ofroi ndonjë shpjegim tjetër për ndryshimin e planeve.

Ndërkohë nga kancelarja Merkel dhe ministry Mass nuk ka asnjë koment në lidhje me këtë çështje.

Ndërsa sipas informacioneve paraprake, sekretari Pompeo pritej të diskutonte me kancelaren Merkel çështje “të interesit të përbashkët” si Ukraina, Rusia, Kina, Siria dhe Ballkani Perëndimorë.