Qeveria e Polonisë së fundmi rrezikon që të dalë nga Bashkimi Evropian pas propozimit të reformës gjyqësore . Reforma e propozuar parashikon shkarkimin nga detyra të gjithë gjyqtarëve nëse ata vënë në dyshim ndryshimet në gjyqësor të qeverisë.
Mediat ndërkombëtare bëjnë me dije se sipas propozimeve të paraqitura nga qeveria e partisë Konservatore shoqërore Ligji dhe Drejtësia, gjyqtarët mund të dënohen për përfshirje në veprimtari politike.
Ndërkohë gjykata Supreme në Poloni deklaron se ky propozim dhunon një prej parimeve kryesore të BE-së ndërkohë që partia e cila është në pushtet shprehet se reforma të tilla ndihmojnë në luftën kundër korrupsionit.
Propozimet në lidhje me këtë temë do të diskutohen të enjten.
