Presidenti i Republikës ka respektuar traditën e vizitave per festat fetare, duke uruar te gjithë besimtaret muslimane per festen e Kurban Bajramit. Urimit te kreut te shtetit i është bashkuar edhe kreu i Bashkisë, i cili ka theksuar simboliken e sakrificës se kësaj feste.
Bujar Nishani: Gëzuar këtë ditë të bekuar, këtë ditë të veçantë! Mbarësi gjithë komunitetit mysliman, të gjithë shqiptarëve! Zoti e bekoftë Shqipërinë dhe shqiptarët kudo ku janë!”
Erjon Veliaj: Mezi pres që vitin tjetër festimet t’i kemi përballë rrugës, aty ku xhamia e re po merr hov. Ju kërkojmë ndjesë për kamionët që keni pasur këto ditë teksa kemi shtruar rrjetin e ujësjellësit. Megjithatë, meqenëse kjo është një festë e sakrificës, kemi sakrifikuar pak teksa Tirana do të bëhet një qytet më i mirë, falë edhe mirëkuptimit dhe durimit që kemi nga të gjithë.
Ndërkohe qe lideri i opozitës Lulzim Basha ka zgjedhur t’i uroje besimtaret muslimane përmes rrjeteve sociale. “Sot besimtaret kremtojnë dashurinë e Zotit ndaj çdokujt qe sprovohet përmes sakrificës. Zoti i ndihmoftë shqiptarët kudo ku ndodhen!”, shkruan kryetari i PD Basha
