Kjo e shtunë është heshtje zgjedhore. Pas një muaji intensiv të fushatës elektorale, politikanët nuk kanë të drejtë të bëjnë asnjë deklaratë apo reagim, lidhur me zgjedhjet.
Nëse ata shkelin rregullin e heshtjes zgjedhore, gjobiten nga KQZ me 500 mijë lekë dhe ankimi i vendimit për gjobën nuk e pezullon atë.
Të dielën, qytetarët do t’u drejtohen kutive të votimit për të zgjedhur qeverinë e re. Qendrat e votimit hapen në orën 07.00 dhe mbyllen në 19.00.
Partia Socialiste kërkon mandatin e tretë qeverisës, ndërsa koalicioni opozitar dëshiron të vijë në pushtet pas tetë viteve në opozitë, për të sjellë ndryshimin, sipas saj.
