Presidenti i republikës, Bajram Begaj, zgjodhi të uronte festën më të rëndësishme për besimtarët myslimanë nga Kavaja.
Kreu i shtetit theksoi se sakrifica në emër të besimit, duhet t’i shtyjë njerëzit të bëjnë vepra të mira për familjen, shoqërinë dhe kombin.
BAJRAM BEGAJ
PRESIDENT I REPUBLIKES
“Sot në Kavajë gjeta veten, takova miq të rinj dhe të vjetër, të besimeve të ndryshme dhe ku më mirë se Kavaja tregohet kjo harmoni fetare. Bashkëjetesa dhe harmonia fetare për të gjithë kombin tonë është një vlerë e jashtëzakonshme, vlerë e cila duhet ruajtur, duhet promovuar dhe pse jo duhet eksportuar.”
Klasa politike vizitoi sot komunitetin mysliman, për të uruar besimtarët për festën e Bajramit.
ILIR META
“Shpresa le të rritet dhe të forcohet në zemrën e çdo shqiptari e sidomos të të rinjve dhe të fëmijëve të këtij vendi për një të ardhme më të mirë për të gjithë së bashku.”
Ndërsa kryeministri Edi Rama dhe lideri i opozitës, Berisha, zgjodhën rrjetet sociale për t’u uruar festën e Bajramit të gjithë besimtarëve myslimanë.
