Zonja e Hekurt e Italisë, Giorgia Meloni, është gruaja më e fuqishme në Evropë, sipas një sondazhi të Politico.
Ditën e djeshme, Politico kishte publikuar një listë me emrat që kanë më shumë ndikim në kontinentin evropian.
Konkretisht, personaliteti, fjala e të cilit vlen më shumë se kushdo tjetër në Evropë.
Pas sondazhit Politico zbuloi se bëhet fjalë për kryeministren italiane, Giorgia Meloni.
Megjithatë, fakti është se para se të zgjidhej kryeministre e Italisë, vështirë se dikush e njihte atë. E vetmja gjë që ata dinin ishte se ish-partneri i saj dhe babai i vajzës së saj të vetme ishte një gazetar i majtë.
Një vit më parë, Meloni shpalli publikisht ndarjen nga partneri i saj.
Të shumtë ishin ata që kishin deklaruar se lidhja e çiftit nuk do të zgjaste shumë për shkak të bindjeve të ndryshme politike.
Pas divorcit, Meloni… doli në skenën evropiane duke dëshmuar mjeshtërinë e saj diplomatike.
Në më pak se një dekadë, liderja e partisë së djathtë (ekstremiste) “Vëllezërit e Italisë” është shndërruar në një figurë komanduese me të cilën Brukseli dhe Uashingtoni mund të punojnë. Giorgia Meloni filloi karrierën e saj politike si një aktiviste në krahun e të rinjve të Lëvizjes Sociale Italiane neofashiste duke vlerësuar diktatorin Musolini si “një politikan i mirë që bëri gjithçka për të mirën e vendit”.
Më pas ajo u vu në shënjestër me argumentin se dëshiron të tërheqë politikën evropiane drejt ekstremit të djathtë.
Në të vërtetë, menjëherë pas marrjes së detyrës së saj si kryeministre në vitin 2022, politikania italiane nxitoi të promovonte politika (të stilit mesjetar) për çështje të tilla si emigracioni dhe të drejtat e komunitetit transgjinor LGBTQ+ që dikur do të kishin tërhequr kritika të ashpra nga Brukseli.
Meloni bëri bujë në mbarë botën kur u bë kryeministrja e parë femër e Italisë. Në atë kohë, pak parashikuan madje se qëndrimi i saj në pushtet do të zgjaste.
Për ekspertët, lufta e brendshme në mënyrë të pashmangshme do të shpërbënte koalicionin e saj qeverisës të partive të krahut të djathtë, si dhe do të kundërshtohej nga Brukseli.
Megjithatë, gjatë dy viteve të fundit, Meloni e ka shndërruar qeverinë e saj në një nga më të qëndrueshmet në historinë e pasluftës të Italisë. Edhe pse vendi i saj po përballet me një borxh kombëtar të madh ekuivalent me 137% të PBB-së së tij, parashikimet e ekonomistëve nuk janë aq kërcënuese sa të trembin investitorët e huaj, të cilët tërhiqen nga mjedisi jashtëzakonisht i qetë politik. Meloni kontribuoi në imazhin e stabilitetit në vend./vizionplus.tv
