Një efektivi policie në Durrës i është organizuar një sulm me tritol.
Lënda plasëse në sasi të vogël ishte vendosur në mjetin që polici Lulzim Kastrari kishte parkuar para banesës në lagjen nr. 17.
Nga shpërthimi i dëgjuar rreth orës 06:25 ka vetëm dëme të vogla materiale.
Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes, ndërsa po punohet për identifikimin dhe kapjen e autorëve.