Policia spanjolle kap 2.5 ton hashash në një jaht, ja ku ishte fshehur sasia

Policia spanjolle ka sekuestruar 2.5 ton drogë të llojit hashash në një jaht, në Alicante.

Për këtë ngjarje, janë arrestuar tre persona, përfshirë kreun e organizatës. Ndërkohë, tre të tjerët po hetohen në gjendje të lirë.

Duke iu referuar historisë së disa prej anëtarëve, ata janë një organizatë që konsiderohet e rrezikshme.

Mbi 2.400 kilogramë hashash u gjetën të fshehura mes 50 fuçive plastike me naftë, secili me një kapacitet prej 50 litrash. Pjesa tjetër e lëndës narkotike u gjet e paketuar në thasë.