Policia sekuestron 207 kg kanabis në gomat e autobusit

Kapet sërish dogë në portin e Durrësit. Policia e qytetit bregdetar, ka sekuestruar mbrëmjen e së mërkurës 207 kilogram kanabis sativa, ndërsa vuri në pranga shoferin e autobusit. Uniformat blu bënë të ditur se është shpallur në kërkim edhe pronari i autobusit, ku u gjet lënda narkotike. Hetimet zbuluan se droga kishte si destinacion Italinë. Trafikantet e kishin fshehur kanabisin në pjesën e rrotave të pasme të autobusit dhe e kishin ndarë në 180 pako. Hetuesit dyshojnë se edhe persona të tjerë janë përfshirë në këtë rrjet trafiku.