17 shoferë përfunduan në prangat e policisë gjatë fundjavës, për shkelje të rregullave të qarkullimit rrugor.
Nga të arrestuarit, tetë shoferë u kapën duke drejtuar mjetin në gjendje të dehur dhe nëntë pa leje drejtimi. Mes të prangosurve, është edhe një shofer autobusi që u kap në rrugën e Rinasit duke kryer manovra dhe parakalime të gabuara, për shkak se ishte i dehur.
Gjithashtu, janë pezulluar 97 leje drejtimi, nga të cilat 76 për shpejtësi mbi normat e lejuara dhe 21 për drejtim mjeti nën efektin e alkoolit.
Efektivët kanë vendosur edhe 2.111 masa administrative për parakalime të gabuara, manovra të rrezikshme në rrugë, shpejtësi tej normave të lejuara, shkelje semafori, drejtim mjeti në gjendje të dehur, etj..