Policia ka zbardhur të tjera detaje nga plagosja me armë zjarri në Fushë-Krujë.
Blutë bëjnë me dije se në ambientet ku dyshohet se mund të fshihet autori i plagosjes së 62-vjeçarit, është zbuluar një ambient i përshtatur për kultivimin e bimëve narkotike, me anë të llambave.
Gjatë kontrollit, blutë sekuestruan bimë të dyshuara narkotike në proces tharjeje, si dhe pajise elektrike që shërbenin për kultivimin e bimëve narkotike.
Gjithashtu, në banesën e autorit të dyshuar, 44-vjeçarit B. S., shërbimet e Policisë gjetën dhe sekuestruan edhe një armë zjarri pistoletë me mulli dhe municion luftarak.
Sakaa, po vijojnë kontrollet dhe krehja e zonës, ndërkohë grupi hetimor, nën drejtim e Prokurorisë, vijon punën për dokumentimin e plotë ligjor të kësaj ngjarjeje.
