Ky është momenti kur banorët e kampit të muxhahedinëve në Manzë, penguan në bllok forcat e policisë, pasi këto të fundit me një urdhër gjykate në dorë shkuan për të kontrolluar të gjitha ambientet e brendshme, pas hetimeve të SPAK për terrorizëm dhe sulme kibernetike.
Aksioni nisi në orët e para të mëngjesit, kur Forcat RENEA, FNSh, Operacionalia dhe uniforma blu nga drejtoritë vendore për 4 orë me radhë vunë në zbatim një plan të hartuar me detaje për ndërhyrje në një territor i cili prej vitesh aksesohej vetëm nga anëtarët e opozitës iraniane.
Por këta të fundit kundërshtuan me forcë zbarkimin e policisë në vendqendrimin e tyre duke thënë se nuk ishin të lajmëruar për një kontroll të tillë .
Të organizuar dhe me parrulla ne duar kundër policisë, muxhahedinët tentuan të bllokonin të gjithë aksionin.
E megjithatë efektivët arritën të hyjnë Brenda e të bënin kontrollin e imtësishëm në strehën e anëtarëve të opozitës iraniane, përfshirë këtu zyra, banesa dhe ambiente të tjera. Gjatë aksionit mësohet se janë sekuestruar shumë kopmjuterë e paisje të tjera që dyshohet se mund të jetë përdorur për veprimtari të paligjshme.
Gjatë këtyrë orëve tensioni, anëtarët e kampit hodhën akuza se policia shqiptare përdori edhe gaz lotsjellës kundër tyre, situatë kjo që sipas tyre i mori jetën një prej muxhahedinëve.
GRATE MUXHAHEDINE-
1-Policia shqiptare hodhi spraj piperi, një nga njerëzit që unë njoh këtu u vra, policia shqiptare i vrau ata.
2-Erdhen në 08 e 30, shkatërruan raftet, gjerat tona personale, kompjutera.
Edhe përfaqësuesit ligjorë të kampit kanë fajësuar policinë për vdekjen.
Por policia shqiptare ka hedhur poshtë çdo akuzë.
Ndërkohë në morgun e kampit ishte prokurori i çështjes, Sokol Nishani, si dhe oficerë e agjentë të byrosë kombëtare të hetimit, për të sqaruar me detaje ngjarjen.