Makinat luksoze parkojnë në vendet e gabuara. Policia e Qarkullimit në Vlorë ka nisur aplikimin e largimit të automjeteve me karroatrec!
Mbi 40 automjete të hequra me karroatrec dhe mbi 350 gjoba ditore vetëm nga qarkullimi rrugor, kryesisht për parkime të gabuara dhe shpejtësi tej normës së lejuar.
Fluksi i automjeteve mënyrë qytetin bregdetar, shtuar nga turistët e shumtë të këtij sezoni veror ka bërë që trafiku të rëndohet, shtuar këtu edhe faktin që disa prej akseve kyçe të qytetit funksionojnë me një korsi për shkak të punimeve.
Pavarësisht se policia rrugore është mobilizuar duke dalë e gjitha në terren, ndihmuar edhe nga oficerë rrugorë të ardhur nga rrethet, sërish ndërgjegjësimi i banorëve dhe turistëve është i ulët.
Parkimet në akset 1 kalimshe, në bulevard dhe në shëtitoren Lungomare, në akset e dedikuara për këmbësorë apo vizat e bardha, ka bërë që policia rrugore të nxjerrë në qarkullim karroatrecin.
Janë kryesisht mjete luksoze, ato të cilat deri tani policia ka larguar me karroatrec, ndërsa numërohen dhjetëra raste.
Nga ana tjetër policia rrugore ka shtuar edhe numrin e gjobave ditore për parkimet e gabuara që pengojnë qarkullimin.
