Policia e Tiranës arreston një 53-vjeçar për zjarrin te liqeni

Policia arrestoi një 53-vjeçar për zjarrvenien e së enjtes në Parkun e Liqenit në Tirane. Policia njoftoi se ka arrestuar në flagrancë Arben Gugen, 53 vjeç, banues në Tiranë. Arrestimi i tij u bë pasi rreth orës 15:00, te Kodrat e Liqenit Artificial, nga pakujdesia shkaktoi zjarr, duke hedhur në tokë një cigare e për pasojë u dogjën rreth 500 metra katror shkurre dhe pemë dekorative. Zjarri u shua pasditen e djeshme nga ndërhyrja e menjëhershme e punonjësve të zjarrfikëses.