Policia e Kosovës sulmohet me armë zjarri në veri

Policia e Kosovës është sulmuar mëngjesin e kësaj të premteje në veri të vendit.

Ministri i Punëve të Brendshme, Xhelal Sveçla, ndërsa konfirmoi sulmin, tha se ata janë sulmuar teksa po shkonin për të realizuar ndërrimin në pikat kufitare me Serbinë.

“Në veri, rreth orës 7 e 20 ka ndodh një sulm ndaj Policisë së Kosovës të cilët kanë qenë duke shkuar për të realizuar ndërrrimin në pikat kufitare. Ky sulm tashmë i faktuar me granatë dore dhe AK47 si një akt terrorist është bërë me qëllim të zyrtarëve policorë dhe gjithë qytetarëve të Kosovës. Grupe të ndrysme në tri ditët e fundit kanë realizuar katër sulme në atë zonë. Sulmi i parë ka ndodh, apo tentim sulmi duke vendos iriqa metalik në rrugën nacionale, në kohë përafërsisht të njëjtë me sulmin e sotëm, që të pamundësojnë punën e Policisë së Kosovës. Sulmi i dytë me gurë. Sulmi i tretë ka ndodh mbrëmë, ku është gjuajtur me armë zjarri dhe sot siç thash edhe më herët drejtpërdrejt janë godit dy veturat që transportonin zyrtarët policorë”, deklaroi Svelça.