Arrestohet një person i dyshuar se ka kryer krime lufte ndaj popullsisë civile gjatë luftës në Kosovë, bën të ditur Policia e Kosovës, Sektori për hetimin e krimeve të luftës.
“Është arrestuar një person i komunitetit egjiptian i dyshuar për krime lufte në Kosovës gjatë vitit 1999”, thuhet në njoftimin e PK-së.
Sipas policisë, i arrestuari, është dërguar në Qendrën e ndalimit, ndërsa nuk bëhet i ditur identiteti i të dyshuarit.
“Aktvendimi mbi ndalimin e personit të arrestuar, është lëshuar nga Prokuroria Speciale e Republikës së Kosovës, për shkak të dyshimit të bazuar se kishte kryer veprat penale: Krime lufte kundër popullsisë civile”, thuhet në komunikatën e Policisë së Kosovës./R.E.L
