Policia e Korçës ka shtuar shërbimet për sezonin veror dhe mbarëvajtjen e sigurisë për festat.
Jo pak por 200 forca policie kanë kalur në shërbim 10 orë me patrullime në sektorë të ndryshëm, bëjnë me dije burime nga Drejtoria rajonale.
Policia e rendit, ajo rrugore dhe objekteve kontrollojnë të gjithe qarkun dhe kanë shtrirë shërbimet në të gjithë Qarkun e Korçës gjatë këtij sezoni të verës.
Këto masa janë ndërmarë për të përballuar fluksin e lëvizjeve.
Mësohet se janë shtuar me 30 për qind patrullat e rendit dhe rrugores.
Akoma me tej, për të përballuar këtë situatë me pushues dhe ardhjet e emigrantëve, përfshi këtu dhe festat e këtyre ditëve, çdo punonjës police punon edhe dy orë më shumë nga orari zyrtar.
Këto shërbime të përforcuara të policisë pritet të vazhdojnë deri në fund të sezonit veror.
