Një tjetër incident është shënuar brenda radhëve të policisë. Efektivi i “shqiponjave” Adrian Meta ka nxjerrë armën e shërbimin dhe ka qëlluar në ajër duke rrezikuar qytetarët.
Ngjarja e rëndë ka ndodhur mbrëmjen e së hënën.
Burime bëjnë të ditur se efektivi meta, jashtë orarit të punës punonte si truproje. Personi që ruhej nga efektivi ka patur një përplasje me një tjetër qytetar.
Ky i fundit më pas ka shkuar për tu sqaruar me disa shokë të tij. Efektivi pasi është përfshirë ne konflikt ka nxjerrë armën e shërbimit dhe ka qëlluar në ajër, duke terrorizuar qytetarët.
Ky nuk është rasti i parë që efektivët e shqiponjave përfshihen në ngjarje të tilla. Pak ditë më parë kolegët e Adrian Metës u përleshën me një tjetër efektiv të vlorës në zonën e Laprakës në Tiranë.
