Gjatë fjalimit të tij në Kongresi Amerikan presidenti amerikan Donald Trump mbrojti politikat e tij të ashpra kundër emigracionit të paligjshëm, duke u përballur me reagime të forta nga demokratët në sallë.
“Detyra kryesore e qeverisë amerikane është të mbrojë qytetarët amerikanë, jo të huajt e paligjshëm,” tha Trump, duke shtuar se demokratët duhet të ndihen të turpëruar që nuk u ngritën për të përkrahur këtë deklaratë, siç bënë shumica e republikanëve. Fjalët e tij shkaktuan debate dhe brohoritje të ndara mes të pranishmëve.
Një moment i tensionuar u regjistrua kur deputetja demokrate Ilhan Omar, që përfaqëson shtetin e Minesotës dhe shpesh është objekt sulmesh nga Trump, ndërpreu duke thirrur: “Ju po vrisni amerikanë, po vrisni amerikanë!”.
Rep. Ilhan Omar, of Minnesota shouted “you have killed Americans” as President Donald Trump slammed Democrats for demanding for reform before funding the Department of Homeland Security.
Omar was referring to the federal immigration crackdown in Minnesota, where Renee Good and… pic.twitter.com/MRdxgJtdTe
— CNN (@CNN) February 25, 2026
Ky incident pasqyron reagimet e forta ndaj operacioneve të shumta të Agjencisë për Emigracion dhe Dogana (ICE) që kanë çuar në arrestime masive në qytete dhe shtete të udhëhequra nga demokratët. Tensioni u shtua sidomos pas vdekjes së dy amerikanëve – një nëna dhe një infermiere në një repart të kujdesit intensiv në Minesotë – që u qëlluan nga agjentë federalë në janar, me vetëm disa ditë diferencë mes tyre.
