Një aksion i befasishëm policor ka vënë në pranga dy shtetas në Shkodër. Personat e dyshuar po udhëtonin me një mjet tip “Land Rover”. Pas ndalimit dhe kontrollit nga ana e policesë janë gjetur mijëra fara të bimeve narkotike të dyshuara kannabis, të cilat ishin paketuara në kutia.
Burime për Vizion Plus bëjnë me dije se ka dyshime se farat do të transportoheshin drejt zonave të thella të Dukagjinit për t’i mbjellur atje me qëllim kultivimin e lëndës. Njeri nga te arrestuarit është nga Malësia e Madhe, ndërsa tjetri nga lagjja Xhabiej në Shkodër.
Arrestimi i tyre u bë në afersi të zonës së spitalit, aksi rrugor që të çon drejt Dukagjinit.
