Policia e Korçës goditi këtë të diel një tjetër rast të trafikimit të emigrantëve të paligjshëm.
Në kuadër të operacionit “Perimetri”, sot ranë në pranga një 36-vjeçar dhe një 18-vjeçar, të dy banues në Tiranë.
Në mjetin e tyre tip “Benz”, blutë e Korçës gjetën të fshehur tre emigrantë të paligjshëm.
Atyre u ishte premtuar kalimi drejt vendeve të BE dhe për këtë shërbim, të arrestuarit do të paguheshin prej tyre.
