Po kthehej nga shërbimi; vdes në aksident polici i komisariatit të Mirditës
Një aksident i rende ku u perfshine dy mjete i mori jetën një punonjêsi policie qe sherbente ne komisariatin e Mirdites.
Gëzim Lazri 56 vjeç, po kthehej nga sherbimi me mjetin e tij tip Benz, kur u perplas nga nje automjet tip Chevrolet.
Dyshohet se shkaku i aksidentit ka qene shpejtesia dhe manovra e gabuar e drejtuesit te mjetit tip Chevrolet.
Mirditë/Informacion paraprak
Rreth orës 07:20, në aksin rrugor Rrëshen-Rrubik, automjeti tip “Chevrolet” me drejtues shtetasin malazez M. F., është përplasur me automjetin tip “Benz” me drejtues shtetasin G. L. 56 vjeç, (efektiv policie pranë Komisariatit të Policisë Mirditë i cili sapo kishte lënë shërbimin dhe po kthehej në banesë).
Si pasojë e këtij aksidenti, ka humbur jetën punonjësi i policisë shtetasi G. L.
Ndërsa drejtuesi i automjetit tjetër shtetasi M.F., ndodhet në spital për ndihmë mjekësore.
Paraprakisht, dyshohet se shkaku i aksidentit rrugor ka qenë parakalimi i gabuar në shkelje të rregullave të qarkullimit i automjetit tip “Chevrolet” që drejtohej nga shtetasi M.F.
Grupi hetimor ndodhet në vendin e ngjarjes dhe nën drejtimin e Prokurorit, vijon hetimet për zbardhjen e plotë të rrethanave dhe shkakut të aksidentit.
