Policia e Sarandës ka zhvilluar një aksion në bashkëpunim me IKMT-në, në vijim të punës për parandalimin dhe goditjen e krimeve mjedisore.
Uniformat blu kanë arrestuar dy perosna, F. M., 40 vjeç dhe I. B., 56 vjeç. Ata janë denoncuar se po mbushnin hapësirën ujore në afërsi në bregut të detit, duke hedhur inerte në mënyrë të kundërligjshme.
Nga hetimet, rezultoi se 40-vjeçari kishte marrë një kamion që drejtohej nga shtetasi I. B. dhe nëpërmjet tij po mbushte një hapësirë ujore në afërsi të bregut të detit, me qëllim ndërtimin e një moli.
