Parlamenti po diskuton për ndryshimet kushtetuese për hapjen e pjesshme të listave dhe në fund pritet që kjo nismë të miratohet.

Si iniciuese e këtij procesi, deputetja e opozitës, Rudina Hajdari u shpreh krenare nga foltorja e Kuvendit.

Për Hajdarin, ky është një moment historik sepse do t’u jepet mundësia qytetarëve të thjeshtë që të futen në Parlament.

“Sot jemi duke bërë diçka historike. Jam krenare për këtë kauzë, nga një çështje periferike, së bashku me kolegët tanë, arritëm ta kthenim në një nga çështjet më të mbështetura nga publiku i gjerë dhe që mbështetet pa rezerva nga e gjithë klasa politike. Me këtë armë që kemi në dorë, ua heqim sado pak fuqinë kryetarëve dhe iu japim qytetarëve. Me votë nesër do të sillni ata qytetarë që janë të nderuar dhe jo një lëpirës, apo kriminel, apo matrapazë. Do të sillni në pushtet ata që nuk lakmojnë paranë. Shqipëria sot ka një ndarje të madhe, kjo nuk është mes të majtëve dhe të djathtëve. Ndarja është mes atyre që kanë gllabëruar shumicën e pasurive të këtij vendi. Që kanë marrë pasuri e prona në bregdet. Ndarja sot është midis atyre që jetojnë në luks dhe atyre që rropaten nga mëngjesi deri në darkë.”

Rudina Hajdari beson se ja ka dalë në nismën e saj. Ajo bëri thirrje që hapja e listave të marrë votat e nevojshme me qëllim që ndryshimi i Shqipërisë të vijë.  


“Eja ta ndryshojmë këtë vend. Unë besova se ndryshimi do të ndodhte. Ia dola, jo e vetme, por me një armatë njerëzisht që ishin idealist dhe qëndrestarë. Sot nuk është thjesht një hap për listat, por kemi hedhur hap drejt ndryshimit. Urime shqiptarë, urime Shqipëri.” Të mërkurën u mbajt mbledhja e fundit e Këshillit Politik, para seancës së 30 korrikut, por palët sërish nuk gjetën gjuhën e përbashkët. Kjo pasi opozita kërkon hapjen 100% të listave zgjedhore

Të mërkurën u mbajt mbledhja e fundit e Këshillit Politik, para seancës së 30 korrikut, por palët sërish nuk gjetën gjuhën e përbashkët. Kjo pasi opozita kërkon hapjen 100% të listave zgjedhore.

Leave a Reply

Your email address will not be published.