Një 30 vjeçar u plagos me armë zjarri paraditen e kësaj të enjteje në kryeqytet.
Ngjarja ndodhi rreth orës 11 e 30 minuta në rrugën “ Myslym Shyri ” pranë një objekti në rikonstruksion.
Sipas policisë i riu ende nuk është identifikuar ndërkohë që është dërguar menjëherë në spital ku ndodhet në gjendje të rëndë shëndetësore.
Ndërkohë uniformat blu po punojnë për identifikimin e tij, sqarimin e rrethanave të ngjarjes dhe zbulimin e autorit.
