Ende pa nisur festivali më i rëndësishëm i këngës në Itali ‘’Sanremo’’ lka ndodhur edhe përplasja e parë mes artistëve. Arsyeja është mospranimi i këngës së Marco Castoldi-t i njohur për publikun me emrin e artit Morgan.
Ky i fundit ka shpërthyer në një intervistë kundër këngëtarit me origjinë shqiptare Ermal Metës, të cilin e ka quajtur “Ermal Merdal” (nisur nga fjala merda-jashtëqitje) dhe “Meta si Metadon”(lloj droge për të luftuar varësinë ndaj heroinës). Menjëherë pas kësaj interviste, Ermal Meta ka reaguar në Twitter: “Për Morgan!
Shpresoj të jesh krenar për njeriun që je. Unë për vete jam krenar për emrin tim edhe kur ti më quan ‘’merdal’’ ose ‘’metadon’’. Sa e trishtë Marco! Udhëtimi i parë që bëra menjëherë sapo mora patentën ishte të vija në koncertin tënd. Mjaft me këto budallallëqe, mos e harxhoni kot potencialin tuaj të madh. Publikoni një tjetër këngë dhe na lini pa fjalë. Të paktën unë pres përsëri nga ju”.
