Nje 26 vjeçar ka rënë në prangat e policisë së Durrësit dhe dy të tjerë janë shpallur në kërkim, pasi në bashkëpunim me njëri tjetrin mbrëmjen e së shtunës kishin planifikuar vjedhjen e një karburanti.
Sipas policisë i arrestuari është J.M. 26 vjeç, banues në Xhafzotaj, ndërsa në kërkim janë Xh.M. 22 vjeç, banues në Delvinë dhe A.C. 21 vjeç, banues në Tiranë.
Informacionet nga uniformat blu të Durrësit bëjnë me dije në momentin e ndalimit 26 vjeçarit i janë gjetur dhe sekuestruar një armë zjarri automatike kallashnikov model 56, një karikator me 22 fishekë, tre maska, tre palë doreza, tre celularë dhe një thikë që do përdoreshin për të realizuar vjedhjen me armë të karburantit.
Ndërkohë vijon puna për kapjen e dy të rinjve të shpallur në kërkim në lidhje me këtë ngjarje.
