Operacionet e ditëve te fundit te policisë se Kosovës kane çuar ne parandalimin e dy sulmeve terroriste ne Kosove dhe ne Shqipëri. 19 persona përfunduan ne pranga, pasi planifikonin te kryenin sulme, qe do te ndodhnin ne te njëjtën kohe ne te dy vendet mbrëmjen e 12 nëntorit, gjate ndeshjes se futbollit Shqipëri-Izrael. Policia kosovare ka dhëne detaje per arrestimet e ndodhura qe nga 4 nëntori e deri ketë te mërkure. Ato janë kryer nga drejtoria kundër Terrorizmit ne bashkëpunim me shërbimet inteligjente dhe Prokurorinë Speciale. Fale monitorimit te te dyshuarve si elemente ekstremiste, institucionet e sigurisë zbuluan se personat kane qene ne kontakt me xhihadistin Lavdrim Muhaxheri qe lufton per Shtetin Islamik, nga i cili merrnin udhëzime per përgatitjen e sulmeve. Policia ka mundur te siguroje prova te mjaftueshme se personat e arrestuar do te kryenin akte terroriste te sinkronizuara ne Kosove dhe ne Shqipëri ndaj përfaqësueses se Izraelit dhe tifozëve te saj. Ata kanë qenë të ndarë në grupe dhe ne koordinim me Muhaxherin dhe me nje tjetër kosovar qe gjendet ne Siri, kanë pasur objektiva të qarta se kush dhe kur duhet të sulmohet. Ndeshja e vlefshme per eliminatoret e Kupës se Botes u zhvendos nga Shkodra ne “Elbasan Arena”, pas frikës qe ekzistonte per sulme te mundshme terroriste. Gjate operacioneve te fundit ne Kosove janë sekuestruar nje sasi eksplozivi, nje sasi armesh, një dron, radiolidhje, telefona celular, lap-topa, USB, materiale dhe literaturë fetare nga autorë të njohur për ideologjinë ekstremiste. Strukturat e policisë se Kosovës janë përshëndetur pas këtyre operacioneve nga presidenti Hashim Thaçi. Përmes nje postimi ne Facebook, Thaçi vlerësoi forcat e rendit per parandalimin e sulmit, qe tregoi se ato janë te afta për t’u përballur me sfidat e sigurisë, që kërcënojnë Kosovën dhe rajonin.
