Kreu i shtetit, Ilir Meta mohoi të ketë në plan krijimin e një partie të re, ashtu siç tha kryeministri Edi Rama pak ditë më parë.

Gjatë një konference me gazetarët, Meta deklaroi se do të jetë në krye të detyrës deri në vitin 2022, kur t’i mbarojë mandati si president.

“Më vjen keq, ju e dini shumë mirë që Meta është presidenti I Shqipërisë deri në 24 korrik 2022 dhe nuk ka nevojë as të mbështesë parti e as të krijojë parti e asgjë tjetër. Fronti për demokracinë nuk përjashton asnjë, fillon reformen dhe me zgjedhje të lira e të ndershme, janë të gjithë të mirëpritur se diktatura ka trokitur e mos e merrni me shkaka të gjithë duhet të zgjohen e të mbrojnë të drejtat e tyre. Këtu jemi per dy vjet po bëra parti unë do thuash ti je gënjeshtar, nuk kam ndërmend të bëj parti, të jeni të qetë, por do te mbështes cdo lëvizje qytetare që mbron të drejtat, lirine, qe dënon cizmet e banditit pa emer mbi kokën e studentit të Arteve, se në vend të merren me cunat problematikë sic e tha edhe kryeprokurori italian, te paktën deri tani kanë mbushur ¼ e terrororit më kanabis se tjetra është beton, do merren me artistët.”

Duke theksuar se ka bërë gjithçka për të krijuar një klimë sa më pozitive, Meta apeloi që platforma e tij të merret parasysh. Në fund të fjalës, presidenti lajmëroi se çdo të premte do të ketë një takim me gazetarët.

Leave a Reply

Your email address will not be published. Required fields are marked *