Plagosje në burgun e Vaqarit

Një i paraburgosur në burgun e Vaqarrit ka mbetur i plagosur, pasi është qëlluar me arme zjarri nga jashtë burgut disa herë nga një distancë e largët. Lili Dulaj 40 vjeç nga Prizreni është plagosur në këmbë nga një person i paidentifikuar, në kohën kur ka qenë në ambientet e ajrimit. Sipas uniformave blu Lili Dulaj, është transportuar në Spitalin Ushtarak ku ndodhet jashtë rrezikut për jetën. Forca të shumta policisë kanë mbërritur në institucionin e vuajtjes së dënimit, ndërkohë që po krehin zonën nga ku dyshohet të jetë qëlluar i paraburgosuri. Hetuesit dyshojnë se ai mund te jete qëlluar nga nje arme snajper.