Një plagosje me thikë është shënuar në orët e para të mëngjesit të kësaj të shtune në afërsi të fshatit Novosel në Vlorë.
Policia njofton, se pas një debate për motive të dobëta shtetasi R. K., 35 vjeç, ka goditur me thikë, shtetasin A. M. 33 vjeç.
I plagosuri sipas bluve, ndodhet në spital jashtë rrezikut për jetën, ndërsa autori është në kërkim.
Vlorë/Informacion paraprak
Rreth orës 09:30, në autostradën Vlorë-Fier, në afërsi të fshatit Novosel, dyshohet se shtetasi R. K., rreth 35 vjeç, ka goditur me mjet prerës(thikë), për motive të dobëta, shtetasin A. M., 33 vjeç.
Policia ndodhet në vendngjarje, ka ngritur pika kontrolli dhe po vijon krehjen e zonës, për kapjen e autorit të dyshuar të ngjarjes.
Shtetasi A. M. ndodhet në spital, jashtë rrezikut për jetën.
Vijon puna e grupit hetimor, për sqarimin e plotë të rrethanave të ngjarjes.
