Plagosja në Mirditë, policia jep detaje

Është identifikuar i plagosuri i mbrëmjes së kësaj të premteje në Mirditë.

Sipas policisë ngjarja ka ndodhur në vendin e quajtur”Rreth I Eperm” Mirditë,në rrethana ende të paqarta është plagosur me armë zjarri shtetasi Frederik Leka, 26 vjeç.

Informacionet bëjnë me dije se i plagosuri ndodhet në gjendje të rëndë dhe është transportuar në spitalin e Traumës,Tiranë.

Ndërkohë grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.