Detaje të reja kanë dalë në dritë nga plagosja me armë që ndodhi këtë të enjte në Tiranë.
Gazetari i Vizion Plus, Esido Barkaj, mëson se policia ka sekuestruar automjetin me të cilin autorët u larguan pas ngjarjes, pranë një qendre tregtare.
Lexo edhe :
Mësohet se mjeti është gjetur i braktisur, ndërsa ende nuk dihet se si janë larguar autorët pasi kanë braktisur makinën.
Paraprakisht dyshohet se konflikti ka ndodhur për motive banale. Dy personat e lënduar, njëri me armë zjarri dhe tjetri me sende të forta, nuk kanë dhënë asnjë deklaratë përpara hetuesve.
Njoftimi i policisë:
Rreth orës 13:50, tek mbikalimi i Domjes, gjatë një konflikti për motive të dobëta dyshohet se është plagosur me armë zjarri në këmbë shtetasi F. A., rreth 25 vjeç, i cili ndodhet në spital, jashtë rrezikut për jetën si dhe është dëmtuar dyshohet me sende të forta shtetasi G. L., rreth 22 vjeç, i cili po merr mjekim në spital, jashtë rrezikut për jetën.
Shërbimet e Policisë kanë ngritur pika kontrolli në hyrje/dalje të kryeqytetit dhe vijojnë kontrollet në zonë e në ambiente të ndryshme, për kapjen e autorit/ve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave dhe dokumentimin ligjor të rastit.
/vizionplus.tv
