Plagosja e dyfishtë në Malësi të Madhe, jepet masa e sigurisë për autorin, çfarë deklaroi Lul Rakaj në gjykatë

Gjykata e Shkallës së Parë e Juridiksionit të Përgjithshëm Shkodër caktoi masën e sigurisë arrest me burg për 38-vjeçarin Lulzim Rakaj.

“Më ka rujt Zoti që kam shpëtuar nga ata. Më ka fal Zoti”, ka dëshmuar ai në gjykatë.

Avokati mbrojtës kërkoi “arrest në shtëpi”, por gjyqtari Albert Keraj caktoi “arrest me burg”, masë e kërkuar nga prokurorja, Elsa Gjeni.

 Si ndodhi ngjarja?

Lul Rakaj qëlloi 8 herë në drejtim të Besmir Çofit dhe Avenir Hasanaj duke i lënë të plagosur. Pas ngjarjes në ndihmë të efektivëve të Shkodrës mbërritën forcat speciale RENEA të cilat pas pak orësh arritën të prangosin Lul Rakaj, në afërsi të balkonit panoramik të Tamarës në Malësinë e Madhe. 38 vjeçari tentoi që të çajë rrethimin e RENEA por forcat speciale arritën ta ndalojnë. Në automjet Lul Rakaj kishte edhe bashkëshorten. Arma e zjarrit tip pistoletë nuk është gjetur ende. Lul Rakaj në vitin 2004 ka vrarë Kolë Gjokajn duke u hakmarrë për babain e tij të vrarë nga vëllai i viktimës. /vizionplus.tv