Ka zgjatur vetëm pak orë arratia e autorit të dyshuar që plagosi me armë zjarri një fëmijë 6-vjeçar më Martanesh.
Menjëherë pas identifikimit policia është vënë në lëvizje dhe ka arrestuar shtetasin Jetmir Koxheri orët e para të mëngjesit të kësaj të marte në fshatin Krastë.
Po ashtu uniformat blu kanë sekuestruar gjithashtu edhe një automatik tip “Kallashnikov”.
Sipas policisë, rreth mesnatës në orën 01:15, Koxheri teksa ka qenë në një lokal ka pasur një konflikt me shtetasin H.Rr., babain e 6 vjeçarit dhe shtetasin Sh.P.
Menjëherë pas konfliktit, 27 vjeçari është nisur drejt banesës së tij, ku ka marrë një armë zjarri dhe ka qëlluar në drejtim të banesës së shtetasut H.Rr.
Si pasojë e plumbave ka mbetur i plagosur një fëmija, i cili po merr ndihmë mjekësore në spitalin e Traumës në Tiranë.
