Në Turqi, qendrat e votimit u mbyllen për zgjedhjet parlamentare dhe presidenciale, ku një koalicion opozitar i udhëhequr nga Kemal Kilicdaroglu po sfidon kreun aktual të shtetit Rexhep Tajip Erdogan .
Pas numërimit të 91% të votave të shqyrtuara, sipas të dhënave të agjencisë Anadolu, Erdogan ra nën pragun 50% të nevojshëm për të fituar zgjedhjet në raundin e parë, situatë e cila afron mundësinë e balotazhit më 28 maj. Kilicdaroglu tani ka 44.4% të votave, ndërsa Sinan Ogan kalon 5% të votave.
Në zgjedhjet për rinovimin e presidencës së Republikës në Turqi votuan 88,44 për qind e atyre që kanë të drejtë, ndërsa për zgjedhjet parlamentare pjesëmarrja arriti gati 90 për qind, raporton televizioni shtetëror turk Trt.
Ende nuk ka siguri për të dhënat, pasi sipas agjencisë së pavarur turke Anka pranë opozitës, me 53% të votave të shqyrtuara, kandidati i opozitës Kemal Kilicdaroglu do të ishte madje në krye me 67% të votave, ndërsa Presidenti turk Erdogan do të ndalej në 31% të preferencave.
Anëtarët e asamblesë parlamentare, të përbërë nga 600 deputetë, zgjidhen me sistemin proporcional, në të cilin ata që kanë të drejtë të votojnë për një parti, jo për një kandidat, dhe për të hyrë në parlament një formacion politik duhet të kalojë pragun e 7% të preferencave. ose të jetë pjesë e një aleance që e kapërcen atë. Në këto zgjedhje do të mund të zgjidhet mes 36 partive të ndryshme. Për t’u bërë president, një kandidat duhet të kalojë pragun prej 50% të votave përndryshe do të ketë një raund të dytë, të planifikuar për 28 maj. Kreu aktual i shtetit, Rexhep Tajip Erdogan është në mesin e kandidatëve për president; dy të tjerët janë Kemal Kilicdaroglu, i cili drejton një aleancë të përbërë nga parti të ndryshme opozitare dhe Sinan Ogan që drejton një aleancë të partive më të vogla. Muharrem Ince, një tjetër nga kandidatët,
