Pianistja Manjola Trebicka performon në festivalin “Mik”

Një tjetër artiste shqiptare është ngjitur mbrëmjen e së enjtes në skenën e teatrit “Andon Zako Çajupi” të Korçës, duke dhuruar emocione me interpretimin e saj.

Pianistja Manjola Trebicka, vajza e aktorit të njohur Roland Trebicka, performoi në natën e dytë të festivalit të muzikës klasike, që iu kushtua kulturës franceze.

Pasi luajti pjesë të ndryshme artistja ka ndarë me emocionet që ndjeu në skenën e tetarit të Korçës, aty ku për shumë vite ka interpretuar babai i saj, Roland Trebicka.

Ndërkohë mbrëmja e titulluar “Parfum francez” solli në skenë edhe interpretimin e sopranos Katia Bentz, shoqëruar në cello nga Juliana Laska dhe në piano nga Manjola Trebicka.