Koreja e Veriut ka testuar me sukses një raketë balistike ndërkontinentale që mund të godasë Shtetet e Bashkuara. Televizioni shtetëror pretendon se Peniani tashmë ka arritur misionin për t’u bërë një shtet bërthamor. Raketa Hwasong-15, që thuhet të jetë më e fuqishmja, është lëshuar në orët e para të së mërkurës dhe fluturoi 950 km në 53 minuta. Raketa u ul në ujërat japoneze, por fluturoi më lart se çdo raketë tjetër që Veriu ka testuar deri tani.

 

Ky testim i radhës ka alarmuar ndërkombëtarët, ndërkohë Këshilli i Sigurimit të Kombeve të Bashkuara do të mblidhet në një seancë urgjente për të diskutuar lidhur me këtë çështje. Kim Jong-Un, tha se Koreja e Veriut do “të bëjë çdo përpjekje të mundshme për ti shërbyer qëllimit fisnik të mbrojtjes së paqes dhe stabilitetit të botës”. Ai tha se armët ishin një mbrojtje kundër “politikës së kërcënimeve të imperialistëve amerikanë”, dhe nuk do të paraqisnin ndonjë kërcënim për asnjë vend” për aq kohë sa nuk shkelen interesat e Koresë së Veriut.

 

Presidenti i SHBA Donald Trump u informua ndërsa raketa ishte ende në ajër. Ai u shpreh shume  shkurt “Do të kujdesemi për të”.

 

Sekretari i Përgjithshëm i OKB-së Antonio Guterres deklaroi se Pheniani shkeli sanksionet dhe tregoi “mospërfillje të plotë për bashkësinë ndërkombëtare.

 

Ndërsa Kina shprehu “shqetësim të madh” dhe u kërkoi të gjitha palëve të tregojnë kujdes. Kryeministri japonez Shinzo Abe e quajti lëshimin e raketës një akt të patolerueshëm dhe të dhunshëm. Ndërsa Kremlini e përshkroi testin si një “provokim”.Koreja e Veriut injoron kritikat dhe vazhdon të zhvillojë programet e saj bërthamore dhe raketore.

Leave a Reply

Your email address will not be published. Required fields are marked *