“Trump “fshin” OJF-të në Shqipëri”, kjo ishte tema e kësaj të marte në Quo Vadis të moderatores Pranvera Borakaj në Vizion Plus.
I ftuar në studio gazetari Ardit Rada ka komentuar vendimin e SHBA për të pezulluar projektet e USAID në Europë, përfshirë edhe Shqipërinë.
Rada tha se Shqipëria është përfituesi më i vogël i fondeve të USAID në Ballkan.
Pjesë nga biseda:
Borakaj: Është një shifër shumë e lartë kur thua se janë investuar në Shqipëri 500 milionë dollarë. Këto para janë kanalizuar në burime të caktuara, apo janë para të cilat vetëm janë grabitur?
Rada: Duhet të kuptojmë që kjo shifër ëhstë për 30 vite. Nga ana tjetër pavarësisht se na duket një shifër e madhe, Shqiëpria është përfituesi më i vogël, ne lëmë pas vetëm Malin e zi.
Borakaj: Pse nuk kemi marrë sa Kosova apo Serbia?
Rada: Ndoshta për shkak të nevojave që kanë këto vende, ose për shkak se shoqëria civile atje prodhon projekte. Në Shqipëri nivelet janë qesharake. Pra varet çfarë aplikojnë. Çështja e diskutimit nëse kanë vajtur atje ku duhet. Çështja e USAID nuk është hera e parë që diskutohet, ka nisur në vitin 93. Ka qenë senatori Helms, i cili u mor vetëm me çështjet e USAID. Në SHBA kishin një shprehje në atë kohë që kur të shtin Jessy Helms DASH dhe USAID i zë gripi. Të gjitha kritikat e tij prodhuan një debat të madh në SHBA.
Borakaj: Kështu është dhe në Shqipëri?
Rada: Nuk di kush është përfituesi më i madh i USAID. Unë vetë kam qenë përfitues i trajnimeve.
