Sekretari për marrëdhëniet me Mediat dhe Shoqërinë Civile të Partisë Socialiste, Alfred Peza u pyet në edicionin e lajmeve në “Vizion Plus” lidhur me deklaratat e Adriatik Llallës, teksa e akuzonte se DASH e shpalli “non grata” dhe krijoi opinion për korrupsion pas shkrimit të Pezës për ish-kryeprokurorin.

“Kompliment i madh nga Adriatik Llalla, shumë faleminderit”, kështu i cilësoi akuzat në drejtim të tij Peza.

Ai u ndal edhe tek Kongresi i Partisë Socialiste, i cili përkon me 30-vjetorin e krijimit të kësaj force, ku tregoi se çfarë pritet të ndodhë.

“Do të ketë një pjesëmarrje të gjerë të të gjithë kontributorëve, që nga themeluesit e vitit 1991 e deri ditën e sotme. Do të ketë një dokumentar për këtë histori, ku do të tregojnë kujtimet e tyre të gjithë personalitetet e PS në dekada. Do të jetë edhe fjala e kryetarit të PS që do ta vendosë në sfondin e fitores dhe të 25 prillit, si dhe në perspektivën e sfidave.”

Sa i përket garës për kreun e ri të PD-së, Peza pohoi: “Ne jemi indiferentë lidhur me këtë zhvillim, për ne nuk ka rëndësi kush fiton atje. PS është e vendsur për t’i shkuar deri në fund ftesës për bashkëpunim me këdo që do ta drejtojë PD-në.”