Peshkonte në lumë, zë korrenti 50-vjeçarin

Një 50-vjeçar ka përfunduar në spital, pasi gjatë peshkimit kallami i tij ka pasur një kontakt elektrik.

Sipas policisë ngarja ka ndodhur në fshatin Iliras të Memaliajt, ku shtetasi I.M, 50 vjeç, banues në Berat, duke peshkuar në lumin Vjosë, aksidentalisht ka prekur me kallamin e peshkimit në linjat e tensionit të energjisë elektrike.

Si pasojë e kontaktit elektrik peshkatari është dëmtuar dhe dërguar në spitalin rajonal “Omer Nishani” Gjirokastër, ku mësohet se është jashtë rrezikut për jetën.