Një ngjarje e rëndë ndodhi mëngjesin e kësaj të hëne ne Orlando të Floridas në SHBA. Një person i armatosur hapi zjarr në një biznes, ku kishte punuar më parë dhe ishte pushuar prej dy muajsh. Ai vrau katër punonjës përpara se të vriste edhe veten. Shtatë punëtorë të tjerë arritën t’i shpëtonin sulmit të 45-vjeçarit. Sipas policisë, ngjarja nuk ka lidhje me terrorizmin dhe po trajtohet si një incident i ndodhur në ambiente pune.
