Si mund ta kuptojmë se duhet të rrisim konsumin ditor të ujit? Trupi ynë na e tregon fort këtë!
- Ndjenja e urisë
Edhe pse shenja më e dukshme e dehidrimit është ndjenja e etjes, është e rëndësishme të dini se uria mund të lidhet edhe me dehidratimin. Është thelbësore të kuptoni ndryshimet midis urisë së vërtetë dhe dehidrimit, të cilat mund t’i identifikoni nëse dhembjet tuaja të urisë janë të pazakonta. Çfarë do të thotë kjo? Nëse, për shembull, zakonisht nuk jeni të uritur në atë moment ose keni ngrënë kohët e fundit, atëherë trupi juaj mund të përpiqet t’ju dërgojë një mesazh tjetër. Në këtë rast, provoni të pini një gotë ujë dhe të prisni 15 minuta.
- Era e keqe e gojës
Edhe pse mund të duket e çuditshme, era e keqe e gojës lidhet me dehidratimin. Konkretisht, pështyma ka veti antibakteriale, por kërkon që uji të prodhohet. Kur ka mungesë uji, niveli i pështymës në trup ulet, gjë që e bën të vështirë luftimin e mikrobeve në gojë
- Pamundësia për t’u përqendruar
A keni probleme me përqendrimin? A keni menduar se kjo mund të jetë për shkak të mungesës së ujit në trupin tuaj? Herën tjetër që do të ndiheni sikur nuk mund të përqendroheni, provoni të pini pak ujë dhe ndoshta situata do të përmirësohet. Sipas Dr. Henry, “dehidrimi mund të ndikojë në aftësinë për t’u përqendruar, duke shkaktuar vështirësi afatshkurtra në aktivitete që kërkojnë aftësi motorike dhe vizuale”.
- Lëkurë me elasticitet të reduktuar
Thatësia mund të tregojë dehidrim, por nuk është shkaku i vetëm. Përkundrazi, mungesa e elasticitetit në lëkurë tregon se është e nevojshme të hidratohet menjëherë. Për të kontrolluar, shtrëngoni lëkurën në pjesën e sipërme të krahut ose barkut dhe vini re nëse lëkura kthehet shpejt në pozicionin e saj origjinal. Nëse kjo nuk ndodh, do të thotë se ka humbur një pjesë të elasticitetit të saj dhe ka nevojë për hidratim të menjëhershëm.
- Qëndrim negativ
Edhe pse ka shumë faktorë që mund të ndikojnë në disponimin tuaj gjatë ditës, një prej tyre është dehidrimi. Nëse ndiheni nervoz dhe ju mungon energjia, mjeku shpjegon se “dehidrimi mund të shkaktojë çrregullime neurologjike që të çojnë në nervozizëm”.
