Një ngjarje e pazakontë është shënuar këtë të hënë në aksin rrugor Milot-Rrëshen.
Persona ende të paidentifikuar nga policia, që po udhëtonin me “BMW”, i kanë bërë shenjë ndalimi mjetit tip “Audi” me drejtues shtetasin M.A.,21 vjeç dhe pasagjer shtetasin F.M., 21 vjeç, banues në Kosovë.
Pasi kosovarët ndaluan, personat e panjohur iu morën makinën dhe u larguan. Kosovarët kanë deklaruar se ndaj tyre nuk është ushtruar dhunë dhe se personat që u kanë rrëmbyer makinën nuk ishin të armatosur.
Policia po punon për të identifikuar autorët dhe janë shoqëruar në Komisariatin e Policisë Kurbin disa shtetas që mund të kenë dijeni për ngjarjen, si dhe janë sekuestruar pamje filmike.
Gjithashtu, janë ngritur pika kontrolli në hyrje-dalje, më qëllim kapjen e autorëve.
