Ministria e Jashtme ka përshëndetur procesin demokratik të zgjedhjeve në Kosovë. Në një deklaratë zyrtare, ajo shpreh besimin se institucionet e reja demokratike, do të krijohen së shpejti dhe pret të vijojë sa më parë bashkëpunimin e ngushtë e të gjithanshëm me qeverinë e re. Edhe kryetrari i Partisë Demokratike, Lulzim Basha në një status në Facebook, përshëndet zgjedhjet parlamentare në Kosovë. Ai thekson se cilësia e këtyre zgjedhjeve është një ogur i mirë në rrugën europiane të Kosovës, ndërsa thekson se Partia Demokratike i konsideron si një prioritet absolut marrëdhëniet më Kosovën.
