Një person ka humbur jetën dhe një tjetër është plagosur si pasojë e një aksidenti rrugor në Koplik.
Dy automjete, njëra e tipit “Benz” dhe tjetra “Volkswagen” janë përplasur rreth orës 12:00 në aksin rrugor Shkodër-Koplik, në vendin e quajtur kryqëzimi Koplik I Sipërm, ku si pasojë ka humbur jetën shtetasi N.S., 26 vjeç nga Malësia e Madhe.
Ndërsa është plagosur drejtuesi I mjetit tip “Volkswagen”, shtetasi L.M., 59 vjeç banues po në Malësinë e Madhe.
Sipas policisë, 59 vjeçari ndodhet në spital dhe është jashtë rrezikut për jetën.