Gjermania, Danimarka, Holanda, Austria, Finlanda dhe Suedia kanë kërkuar uljen me disa qindra miliardë euro të buxhetit afatgjatë të Bashkimit Evropian për periudhën 2028-2034.Gjashtë vendet, të cilat kontribuojnë më shumë në buxhetin e BE-së sesa marrin prej tij, deklaruan se propozimi i Komisionit Evropian me vlerë gati 2 trilionë euro, duhet të reduktohet në mënyrë të balancuar, duke përfshirë të gjitha fushat e shpenzimeve.
“Shumë shtete anëtare po marrin vendime të vështira për të balancuar buxhetet e tyre kombëtare. I njëjti realitet duhet të njihet edhe në nivel evropian. Kjo është arsyeja pse tani duhet të vendosim shifra konkrete në tryezë dhe të çojmë përpara negociatat. Nuk duhet t’i lëmë vendimet e vështira për në fund. Ne jemi të gatshëm të ecim përpara me disa burime të reja vetanake, por të ardhurat e reja vetëm nuk do t’i zgjidhin çështjet themelore.”
Qëndrimi i përbashkët u miratua në një takim të liderëve të këtyre vendeve në Berlin.Kërkesa e gjashtë vendeve zgjeron një qëndrim të shprehur më herët nga Gjermania. Në qershor, Berlini kërkoi një shkurtim prej rreth 400 miliardë eurosh, duke argumentuar se propozimi aktual ishte i papërballueshëm.
“Për mua, detyra më e rëndësishme për Bashkimin tonë të përbashkët Evropian është forcimi i sigurisë evropiane dhe adresimi i shqetësimeve të popullatave tona.
Vendet kundërshtojnë gjithashtu marrjen e huave të reja të përbashkëta nga BE-ja, duke argumentuar se huamarrja nuk është zgjidhja për problemet buxhetore të unionit.
