Dy familje janë konfrontuar këtë të martë në Ksamil, ku për pasojë kanë mbetur të plagosur tre persona. Bëhet fjalë për shtetasit me iniciale I. L., F. P dhe P. L.
Te plagosurit po marrin ndihmë mjekësore në Spitalin e Sarandës dhe ndodhen jashtë rrezikut për jetën.
Dyshohet se shkaku i konfliktit ka qenë për çështje pronësie, ndërsa kanë përdorur thika e mjete të forta duke goditur njeri-tjetrin.
Shërbimet e Policisë kanë bërë shoqërimin e palëve të përfshira në konflikt dhe po punohet për sqarimin e rrethanave.
